Mərkəzi Bank BMT-nin Dayanıqlı Sığorta Forumuna üzv qəbul olunub
AMB bu üzvlüklə sığorta nəzarətçiləri ilə əməkdaşlığı genişləndirməyi və iqlim riskləri üzrə beynəlxalq təcrübəni ölkənin sığorta sektorunda tətbiq etməyi hədəfləyir.
Azərbaycan Mərkəzi Bankı (AMB) Birləşmiş Millətlər Təşkilatının İnkişaf Proqramının Dayanıqlı Sığorta Forumuna (Sustainable Insurance Forum – SIF) üzv qəbul olunub.
Bunu da oxuyun: "PAŞA Bank" yeni holdinqə keçdi: Növbə sığortadadırmı?
Üzvlük çərçivəsində AMB müxtəlif ölkələrin sığorta nəzarətçiləri və tənzimləyiciləri ilə əməkdaşlığı genişləndirmək, beynəlxalq təcrübə mübadiləsində iştirak etmək və forumun işçi qruplarında təmsil olunmaq imkanı qazanıb.
Forum 2016-cı ildə BMT-nin təşəbbüsü və Beynəlxalq Sığorta Nəzarətçiləri Assosiasiyasının dəstəyi ilə yaradılıb. Platforma sığorta nəzarəti çərçivəsində iqlim dəyişikliyi ilə bağlı risklərin nəzərə alınması üzrə beynəlxalq əməkdaşlığı hədəfləyir.
Sektoru mənbəyindən izləyin
Bülleten: qanunvericilik dəyişiklikləri, məlumatlar və təhlillər — hər biri mənbəyi göstərilməklə.
